Ўзбекистон Гидрометеорология хизмати ҳарорат кўтарилиши ҳақида шошилич ахборот эълон қилди.
Маълум қилинишича, жорий йилнинг 25-29 июнь кунлари Ўзбекистон ҳудудига Туркманистон орқали Эрон ҳудудларидан иссиқ ҳаво кириб келиши сабабли максимал ҳаво ҳарорати кузатилади. Унга кўра:
- 25-28 июнда Қорақалпоғистонда, Хоразм вилоятида 42-44° гача;
- 25-29 июнда Бухоро, Навоий, Қашқадарё, Сурхондарё вилоятларида 43-45° гача;
- 26-29 июнда Тошкент, Самарқанд, Жиззах, Сирдарё вилоятларида ва Фарғона водийси вилоятларида 40-42° гача кўтарилади.
Республика бўйича баъзи жойларда шамол 15-20 м/с гача кучайиши, айрим жойларда чанг тўзонлари кузатилиши кутилмоқда.
