Ўзбек гимнастикачилари Осиё чемпионатини 17 медаль билан якунлашди

СПОРТ 27.06.2022, 07:39
Ўзбек гимнастикачилари Осиё чемпионатини 17 медаль билан якунлашди

6 та олтин ва 3 та кумуш...

Бадиий гимнастика бўйича Ўзбекистон терма жамоаси Таиланднинг Паттайя шаҳри мезбонлик қилган қитъа биринчилигининг сўнгги кунида мана шунча медалларни қўлга киритди.  

Бу ҳақда Ўзбекистон Миллий Олимпия Қўмитаси хабар бермоқда.

"Бугунги кун Тахмина Икромованинг бенефисига айланди дейиш мумкин. Спортчимиз ҳалқа, тўп ва булава машқларида тенгсиз, деб топилди",-дейилади Қўмита хабарида.

Таъкидланишича, яна бир таниқли Ўзбекистон вакиласи Сабина Ташкенбаеванинг тўп билан амалга оширган дастури кумуш медалга лойиқ кўрилди.  

Гуруҳ машқида 3 тасма ва 2 тўп билан ўз дастурини ижро қилган ўзбек қизлари ҳам қитъа вакилалари орасида энг юқори кўрсаткични қайд этишган. Ўзбекистон жамоаси ҳисобига яна 2 та олтин медални ёшлар тоифасида Эвелина Аталянснинг булава, Вилана Савадяннинг эса тасма билан чиқиши келтирди. Гуруҳ машқида 5 тўп билан ўз чиқишларини намойиш этган қизлари эса шоҳсупанинг иккинчи поғонасига кўтарилишган.

Шу тариқа, терма жамоанинг мазкур қитъа биринчилигида жамғарган медаллари 10 та олтин, 5 та кумуш ва 2 та бронзани ташкил этмоқда.

Шарҳлар

Об-ҳаво: Тошкент
Валюта курси
1