Давлат тест марказининг my.dtm.uz сайти орқали онлайн рўйхатдан ўтишда абитуриентларга қулайлик яратиш мақсадида сайтнинг мобил иловаси ишлаб чиқилди. Бу ҳақда ДТМ Матбуот хизмати хабар берди.
Мазкур мобил илова орқали олий таълим муассасаларининг бакалавриат таълим йўналишларига йўналишларига кириш учун онлайн рўйхатдан ўтиш ва Давлат тест марказининг расмий веб-сайтида эълон қилинаётган янгиликлар билан танишиб бориш мумкин.
Мобил илова “Android” операцион тизимида ишловчи телефонларга мўлжалланган бўлиб, ундан 3 хил тилда — ўзбек, рус ва қорақалпоқ тилларида фойдаланиш имконияти мавжуд.
Мобил илова “Google Play” палтформасига жойлаштирилган бўлиб, қуйидаги ҳавола орқали юклаб олиш мумкин: https://play.google.com/store/apps/details?id=www.my_dtm.uz
