Товар-моддий бойликларни ноқонуний олиб кирилишига чек қўйиш божхона органларининг асосий вазифаларидан биридир.
Тошкент шаҳар божхона бошқармаси Ахборот хизматининг маълум қилишича, “Чуқурсой техник идора” темир йўл чегара божхона пости ходимлари томонидан хориждан кириб келган юк контейнер белгиланган тартибда божхона кўригидан ўтказилди.
Натижада, юк контейнерида юк ҳужжатларида кўрсатилмаган 14,4 тонна оғирликдаги қиймати 909,7 миллион сўмлик 535 130 метр “Plastic zipper”( Застёжка молния) ҳамда 4,2 тонна оғирликдаги қиймати 126,1 миллион сўмлик “Metal zipper” (Застёжка молния) номли товарлар борлиги аниқланди.
Дастлабки ҳисоб-китобларга кўра, мазкур товарларнинг умумий қиймати 1 миллиард 35,8 миллион сўмни ташкил этмоқда.
Ҳозирда ҳолат юзасидан суриштирув ҳаракатлари олиб борилмоқда.
