Россия 15 июлдан бошлаб қуруқлик чегарасини кесиб ўтишга қўйилган чекловларни бекор қилди. Бу ҳақда “ТАСС” хабар берди, деб ёзади Замон интернет нашри.
Шу мазмундаги ҳужжат РФ ҳукумати раҳбари Михаил Мишустин томонидан имзоланган. Бундан олдин эпидемиологик вазият барқарорлашгани туфайли 14 июнда хориж фуқароларининг Россияга денгиз ва ҳаво йўллари орқали кириб келишига қўйилган чекловлар олиб ташланганди. Аммо қуруқлик йўллари транспорти орқали кириш бўйича тақиқлар сақланиб қолганди.
Москва 2020 йил бошида коронавирус инфекцияси тарқалишни бошланиши билан чегарани кесиб ўтишни тақиқлаганди.
