Айни пайтда Ўзбекистоннинг айрим ҳудудларида чанг бўронлари кузтатилмоқда. Ижтиомий тармоқларда ҳордиса акс этган сурат ва видеолар тарқалмоқда. Жумладан, Қашқадарё вилоятининг Бухоро вилояти билан чегарадош туманларида кучли шамол ва чанг бўрон ҳодисалари кузатилмоқда.
Маълум қилинишича, юқоридаги тасвирда Муборак туманидаги ҳолат акс этган бўлиб, кучли шамол ортидан чанг тўзон кўтарилиб, кўринувчанлик 200-300 метргача чекланган.
Шунингдек, Самарқандда ҳам чанг бўрони кузатилаётгани хабар қилинди.
Тқарқалган видеохабарга кўра, айни пайтда Самарқанд вилоятининг Нуробод туманида ҳам кучли ўамол ва чанг тўзон содир бўлмоқда.
Эслатиб ўтамиз, Ўзгидромет бугун республиканинг кўплаб ҳудудларида кучли шамол (тезлик кучайганда 25 м/с га етиши) ва унинг ортидан чанг бўрон, чанг тўзон кўтарилишини хабар қилган эди.
Прогнозларга кўра, бугун куннинг иккинчи ярмида пойтахт Тошкентда ҳам шамол тезлиги 12-17 м/с га кучайиши ва чанг тўзон кўтарилиши мумкин.
