Бугун, 19 июль куни "UzAuto Motors" ўзининг 26 ёшини нишонламоқда.
Бир кун аввал компания ўзининг 26 йиллигига совға сифатида "Chevrolet Tracker-2023" автомобилининг тақдимотини ўтказган эди.
Шундай қилиб, янги "Chevrolet Tracker-2023" автомобилининг сотувга чиқарилиши завод ишчи кучининг Ўзбекистондаги ҳайдовчилар учун ўзига хос совғаси бўлди. Йил охиригача компания кўпчилик кутаётган "Chevrolet Onix" автомобилини ишлаб чиқаришни йўлга қўйишни режалаштирган.
" – 26 йил давомида компания ривожланишнинг узоқ йўлини босиб ўтди. Йўлда кўп қийинчиликлар бўлди, аммо муваффақият ва ютуқлар ҳам кўп бўлди! 1996 йил июль ойидан бери "UzAuto Motors" конвеерларидан 4 миллионга яқин автомобиль чиқиб кетди. Бу корхонамиз маҳсулотларига Ўзбекистонда талаб юқори эканлигининг ёрқин далилидир.
Шундай экан, "UzAuto Motors" АЖни нафақат компания ходимларини, балки мамлакатимизнинг барча автоуловчиларини туғилган куни билан табриклашга ижозат бергайсиз", – дейилади компания хабарида.
