Жаҳон соғлиқни сақлаш ташкилоти (ЖССТ) COVID-19 тарқалиши сабабли янги воқеликка мослашиш зарур деб ҳисоблайди. Ташкилотнинг Европа бюроси директори Ханс Клюге барча мамлакатлар расмийларини ниқоб режимини қайтаришга чақирди.
Клюгенинг сўзларига кўра, жаҳон ҳамжамияти BA.5 коронавирусининг "омикрон" штамми тарқалиши муносабати билан янада қаттиқроқ чоралар қўллашдан қочишга ҳаракат қилиши керак.
"Биз коронавирус ҳолатлари кўпайиб бораётганини кўрмоқдамиз", деди Ханс Клюге ва ҳеч бир давлат блокировкаларни қайта жорий этишга тайёр эмаслигини таъкидлади. ЖССТ Европа бюроси директори, шунингдек, коронавирусга қарши эмлашни қайта тиклаш муҳимлигини таъкидлади.
Маълумот учун: Европада ўтган ҳафтада 3 миллионга яқин коронавирус ҳолати қайд этилган.
