Сал аввал ЖССТ яна бир эпидемиологик хатарни маълум қилганди. Хусусан, ғарбий Африканинг Гана мамлакатида Марбург вируси билан касалланган икки нафар бемор аниқланиб, уларнинг ҳар иккиси ушбу хасталик оқибатида вафот этганди.
Айни дамда Ўзбекистон Санитария-эпидемиология хизматининг хабар беришича, мамлакатда табиий ўчоқлар йўқлиги сабабли касаллик маҳаллий ҳолатда қайд этилмайди.
"Аммо унинг хориж давлатлари орқали кириб келиш хавфи йўқ эмас",-дейилмоқда.
Таъкидланишича, касалликларни четдан кириб келишини олдини олиш мақсадида республика ҳудудига ташриф буюрган шахслар Санитария-карантин пунктларида замонавий тепловизорлар ва контактсиз термометр (пирометр)лар ёрдамида термометриядан ўтказилмоқда.
"Барча тиббиёт ходимларини карантин ва ўта хавфли юқумли касалликлар бўйича махсус дастур асосида ўқитилди. Шунингдек, геморрагик иситма касалликларига гумон қилинган ҳар бемор юзасидан чуқур эпидемиологик суриштирув ишлари ўтказилмоқда. Санитария-эпидемиология хизматининг махсус лабораториялари ҳамда касалликка чалинган (гумон қилинган) беморларни ўз вақтида ётқизиш, даволаш мақсадида юқумли касалликлар шифохоналари шай ҳолатга келтирилган бўлиб мутахассислар мунтазам қайта тайёргарликдан ўтказилиб келинмоқда. Геморрагик иситма касаллигига чалинган беморларини даволаш ишларини ташкил этиш учун зарур дори воситалари захираси яратилган",-демоқда Санэпидхизмат.
Эслатиб ўтамиз, давлат чегара-божхона постларидаги санитария-карантин пунктлари томонидан касалланиш тарқалган қўшни далватлардан ташриф буюрадиган фуқароларнинг тиббий назорати ва карантин ва ўта хавфли юқумли касалликлар профилактикаси бўйича аҳоли ўртасида санитария – тарғибот ишларини кучайтирилди.
Дилбар Абдунабиева.
