Ташқи меҳнат миграцияси агентлигининг Москва шаҳридаги ваколатхонасига 18 нафар Ўзбекистон фуқароси ҳақ-ҳуқуқлари бузилаётганидан шикоят қилиб, мурожаат қилган.
Маълум бўлишича, Тула шаҳридаги иш берувчи ва ишчилар ўртасида "воситачилик" билан шуғилланган фуқаро қурилиш объектида юртдошларимизни ишлатиб, иш ҳақини бермаган.
Агентликнинг Тула шаҳридаги вакили томонидан мазкур ҳолат ўрганилиб, юртдошларимизнинг 923 минг 764 рубль миқдоридаги пули "воситачи"дан ундириб берилди.
