Ўзбекистонда 15 июлдан бошлаб мамлакат корхоналарида ишлаб чиқарилган автобензин ва дизель ёқилғисини экспорт қилиш вақтинча чеклади. Бу Вазирлар Маҳкамаси йғилишининг 16 июлда тасдиқланган протоколида назарда тутилган, деб хабар бермоқда «Газета.uz».
Хабар қилинишича, охирги ойда 15−16,5 минг тонна атрофида бензин экспорт қилинган, «бу мамлакатнинг ёнилғига бўлган 5−6 кунлик эҳтиёжи дегани».
Маълумотларга кўра, экспорт чекловидан сўнг, биржа савдосига қўйиладиган бензин ҳажми оширилган, бу «нархларнинг пасайишига олиб келиши керак».
Шу билан бирга, ҳукумат ёқилғини импорт қилишга чеклов ўрнатмаган.
Маълумот учун:
Ўзбекистонда дизель ёнилғисининг биржа нархлари йил бошидан буён деярли 50 фоизга — 10,82 миллион сўмдан 16,14 миллион сўмгача ошган. «Ўзбекнефтгаз» нарх кўтарилишини Brent маркали нефтнинг юқори котировкалари ва мамлакатга импорт нефт маҳсулотларини олиб киришдаги вақтинчалик қийинчиликлар билан изоҳлаганди.
