Бу йил олий ўқув юртига ҳужжат топширган абитуриентлар сони 1 млн 214 минг 232 нафарни ташкил этди.
Ўтган йили бу кўрсаткич 948 211 нафар бўлган эди. Бу йил ОТМларга 200 минг нафардан кўпроқ ҳужжат келиб тушгани кўринмоқда.
Шундан:
- 395 023 нафари — жорий йил битирувчилари;
- 819 209 нафари — аввалги йиллар битирувчилари.
Абитуриентларнинг таълим шакллари бўйича тақсимоти қандай?
Биринчи таълим йўналишига нисбатан:
- Кундузги таълим — 612 минг 530 нафар;
- Сиртқи таълим — 565 минг 902 нафар;
- Кечки таълим — 27 минг 417 нафар;
- Масофавий таълим — 8 минг 383 нафар.
Эслатиб ўтамиз, бугун ҳам ҳужжат топшириш учун тўловни амалга ошириш давом этмоқда.
