Соғлом фарзанд туғилиши, аввало, онанинг саломатлигига боғлиқ. Қолаверса, замонавий тиббиётда чақалоқда юзага келиши мумкин бўлган турли нуқсонлар ва хасталикларни ҳомиладорликнинг дастлабки босқичидаёқ аниқлаш ҳамда бартараф этиш имконияти яратилган.
Юртимиз соғлиқни сақлаш тизимида жорий йилнинг ўтган 6 ойида бу борада қуйидаги ишлар амалга оширилди:
643 минг нафар хотин-қиз скрининг текширувларидан ўтказилиб, касалликлар аниқланган 3214 нафаридан 2983 нафари (93 фоизи) соғломлаштирилди.
Пренатал ультратовуш текширувидан ўтказилган 333,5 минг нафар бўлажак онанинг 7,9 минг нафарида ҳомиласида нуқсон ва акушерлик патологияси аниқланиб, зарур чоралар кўрилди.
Тошкент шаҳрининг барча туғуруқхоналарида чақалоқларда эшитиш нуқсонларини эрта аниқлашга қаратилган аудиоскрининг жорий этилди.
Шу йил 1 июлдан бошлаб болалар, ҳомиладор ва бола эмизувчи аёлларни махсус профилактик дори-дармонлар, 3-15 ёшдаги болаларни йод препарати билан бепул таъминлашга киришилди.
Республика “Она ва бола скрининги” маркази 38,4 миллион сўмлик гематологик анализаторлар, Нукус, Бухоро, Самарқанд, Фарғона “Она ва бола скрининги” марказлари эса 1,1 миллирд сўмлик рақамли микроскоплар ҳамда лаборатория ускуналари билан таъминланди.
Йил якунига қадар:
2,3 миллион нафар хотин-қиз бирламчи онкологик скрининг текширувидан, 18 ёшгача бўлган 11 миллион нафардан зиёд болалар эса педиатр, стоматолог, эндокринолог ва ортопед кўригидан ўтказилади.
Барча туғиш ёшидаги аёллларнинг ягона электрон базаси яратилади.
- 400 минг нафар ҳомиладор ва бола эмизувчи аёллар ҳамда 4 миллион нафар 3-15 ёшдаги ўғил-қизлар йод препарати билан таъминланади.
- 2 миллион нафар 15-35 ёшгача туғиш ёшидаги аёллар темир ва фолий кислотаси препарати билан таъминланади.
Спинал мушак атрофияси ташхиси қўйилган 75 нафар болага зарур дори воситалари етказиб берилади.
