Аввалроқ жорий йилнинг март ойида Тошкент шаҳри Олмазор тумани 234-сонли мактабда ўқувчини мактаб девори босиб қолгани ҳақида хабар берган эдик.
Хабар ижтимоий тармоқларда тарқалгач, мактаб маъмурияти мазкур ўқувчининг ўлимини яширишга урингани, мактабнинг қулаб тушган ҳолати авария экани, умуман, мактаб директори фаолияти танқид қилинган эди. Ушбу ҳолат юзасидан расмийлар ўз муносабатини билдиришди.
"Мазкур ҳолат юзасидан айни пайтда тергов-суриштирув ишлари давом этмоқда. Бу ҳақда кейинроқ батафсил ахборот берамиз", дейилади Тошкент шаҳар ХТББ матбуот хизмати расмий муносабатида.
