Ижтимоий тармоқларда Тошкент шаҳри Мирзо Улуғбек туманида жойлашган "Korzinka" супермаркетида ёнғин содир бўлгани акс этган видеолар тарқалди.
ФВВнинг хабар беришича, бугун – 4 август куни соат 16:32 да Тошкент шаҳар М.Улуғбек тумани “Подишоҳбоғ” маҳалласи Буюк ипак йўли кўчасида жойлашган “Корзинка” савдо мажмуасида ёнғин рўй берганлиги ҳақида хабар келиб тушган.
3 та ёнғин-қутқарув экипажи соат 16:37 да воқеа жойига етиб борган. Савдо мажмуаси ичида бўлган нон пишириш печида электр симларининг қисқа туташуви сабаб бўлган. Ҳодиса натижасида ҳеч қандай ёнғин содир бўлмаган. Вазият оқибатлари қутқарувчилар томонидан соат 16:42 да бартараф этилган.
Ҳодиса оқибатида тан жароҳати олган ва халок бўлганлар қайд этилмади.
