Тошкент шаҳрининг Янгиҳаёт туманидаги Чортоқ маҳалласи ҳудудида чиқинди билан боғлиқ яна бир ҳолат аниқланди. Бу ҳақда Тошкент шаҳар Экология ва атроф-муҳитни муҳофаза қилиш бошқармаси ахборот хизмати хаар қилмоқда.
Маълум қилинишича, шу ҳудудда ўрнатилган камера объективига "Матиз" русумли автотранспорт воситаси ойнасидан белгиланмаган жойга ноқонуний тарзда чиқинди улоқтириб ташлаб кетган вазият муҳрланди.
Ушбу ҳолат юзасидан давлат инспекторларининг тезкорлик билан олиб борган саъй-ҳаракатлари натижасида автомобилнинг давлат рақами орқали ҳуқуқбузарнинг шахсига аниқлик киритилди. Натижада унга нисбатан қонунда белгиланган тартибда маъмурий баённома расмийлаштирилди ва жарима белгиланди.
Шунингдек, ҳолат такрорланмаслиги юзасидан тушунтириш берилди.
