"Толибон" Ўзбекистон ва Тожикистондан яна аввалги маъмурият вертолётларини талаб қилмоқда

ДУНЁ 08.08.2022, 22:11
"Толибон" Ўзбекистон ва Тожикистондан яна аввалги маъмурият вертолётларини талаб қилмоқда

Толибон Мудофаа вазирлиги Тожикистон ва Ўзбекистондан республика қулаши ортидан олинган аввалги маъмуриятнинг вертолётларини қайтаришни яна бир бор сўради.

Мудофаа вазирлиги матбуот котибининг таъкидлашича, Кобул яқин келажакда ўз вертолётларини олиб кетади.

"Вертолётлар афғон халқининг мулки. Уларни амалдаги ҳукуматга, Мудофаа вазирлигига қайтариш керак. Албатта, уларнинг ўз фикрлари бор, лекин ҳақиқат Афғонистон халқи билан боғлиқ. Вертолётлар Ўзбекистон ва Тожикистонда бўлса, қачон бўлсада, кун келиб олиб қўйилади”, — деди у.

Айни пайтда айрим таҳлилчилар амалдаги ҳукумат халқаро ҳамжамият томонидан тан олинмагунча бу вертолётларни олишнинг имкони йўқлигини айтмоқда.

"Мамлакатдан олиб кетилган вертолётларга келадиган бўлсак, бу ерда бир қатор муаммолар бор. Биринчидан, бу вертолётларнинг ҳужжатлари Афғонистон билан боғлиқлигига ишончим комил эмас. Иккинчи муаммо Толибон ҳукумати муаммоси. Бу ҳеч бир давлат томонидан тан олинмаган”, дейди Коҳдаманий, Тожикистондаги собиқ афғон дипломати.

Шарҳлар

Об-ҳаво: Тошкент
+17.97° ҳаво очиқ
Валюта курси
11063.05
USD 34.91
10940.25
EUR -10.69
183.24
RUB -2.18
1