Бош прокуратура ҳузуридаги Департаментнинг Учкўприк туман бўлими томонидан тезкор тадбир ўтказилди.
Унда, туман марказидаги авиакасса атрофида валюта қимматликлари савдоси билан шуғулланиб келган фуқаро У.Р. фуқаро Д.га жами 3 250 АҚШ долларини 35,7 млн сўмга сотишга келишиб, шундан 1 750 АҚШ долларини берган вақтида ашёвий далиллар билан ушланган.
Мазкур ҳолат юзасидан Жиноят кодексининг 177-моддаси (валюта қимматликларини қонунга хилоф равишда олиш ёки ўтказиш) билан жиноят иши қўзғатилиб, тергов ҳаракатлари ўтказилмоқда.