Маълумот ўрнида, абитуриентлар натижаларини 4 хил усулда билишлари мумкин.
2022 йил 18 август куни олий таълим муассасаларининг бакалавриат таълим йўналишларига кириш учун ўтказилган тест синови натижалари эълон қилинди, дея хабар бермоқда ДТМ.
Қайд этилишича, 18 август куни тест синовларида иштирок этган абитуриентлар ўз натижаларини 4 хил усулда билишлари мумкин:
- my.dtm.uz сайтининг "Натижани олиш" бўлимидан паспорт серияси ва рақами ҳамда шахсий идентификация рақамини киритган ҳолда;
- mandat.dtm.uz сайти орқали абитуриент қайд варақаси ёки абитуриент рухсатномасида кўрсатилган абитуриентнинг ID рақамини киритган ҳолда;
- Давлат тест марказининг қуйидаги телеграм ботларига абитуриент қайд варақаси ёки абитуриент рухсатномасида кўрсатилган абитуриентнинг ID рақамини юборган ҳолда:
- @e_dtm_mandatbot
- @e_dtm_mandat1bot
- @e_dtm_mandat2bot
- @e_dtm_mandat3bot
- @e_dtm_mandat4bot
Шунингдек, абитуриент рухсатномасининг қуйи қисмидаги QR-код (натижани кўриш учун ҳавола) ни сканер қилган ҳолда ҳам натижаларни олиш мумкин.
