Ҳодиса Фарғона вилояти Қўқон шаҳридаги квартиралардан бирида вақтинча яшаб келаётган эр-хотин ўртасида содир бўлган.
Оилавий келишмовчилик сабаб аёл аразлаб чиқиб кетган. Қайнона-қайнотаси аёлнинг она уйига боришганда, у синглисиникида яшаб келаётгани маълум бўлган.Шундан сўнг, аёл эрига телефон қилиб, Туркия давлатига кетаётгани ва ойига 200 доллар пул юбориб туришини ва ўғлига ғамхўрлик қилишини айтган. Эри эса уни бу фикридан қайтаришга уринган. Орадан 4-5 кун ўтгач ўзларининг вақтинча ижарада турган уйида кўришишганда жанжал юзага келган.
Эркак хотинини аввал танасининг турли жойларига қўли билан уриб, сўнгра ўнг кўз қовоғи ва кўкрак қафасининг чап соҳасига пичоқ билан уриб ҳаёт учун хавфли тан жароҳатлари етказган.
Жиноят ишлари бўйича Қўқон шаҳар суди томонидан судланувчига Жиноят кодексининг 104-моддаси (Қасддан баданга оғир шикаст етказиш) 2-қисми "л" бандида кўрсатилган жиноятни содир этган деб топилиб унга нисбатан 5 йил муддатга озодликдан маҳрум қилиш жазоси тайинланган. Жазо қаттиқ тартибдаги калонналарда ўталиши белгиланган.
