Кеча Навоий вилояти Хатирчи туманида 16 сентябрь куни хонадонларнинг биридан уй эгаси ер ковлаётиб кўмиб юборилган одам скелети топиб олгани ҳақида хабар берган эдик.
Айни пайтда Бош прокуратура Матбуот хизматининг маълум қилишича, Хатирчи туманида яшовчи фуқаро Р. З жорий йилнинг 16 сентябрь куни яшаш хонадони ҳовлисида жойлашган экин ерини ковлаётган вақтида, одам суягига ўхшаш суяклар чиққанлигини ҳуқуқни муҳофаза қилувчи органларга маълум қилган.
Мазкур ҳолат юзасидан Хатирчи туман прокуратураси томонидан терговга қадар текширув ҳаракатлари олиб борилаётган бўлиб, экспертиза текшируви учун тегишли намуналар олиниб, суд-тиббий ҳамда суд-тиббий криминалистик экспертизалар тайинланган.
Терговга қадар текшириш натижаси бўйича қонуний қарор қабул қилиниши таъминланади.
