НАТО бош котиби Йенс Столтенберг Хитой ташқи ишлар вазири Ван И билан учрашувда Пекинни Россияга Украина масаласида таъсир ўтказишини сўради, дея хабар бермоқда "Zamon.uz" сйти.
Бош котиб бу ҳақда ўзининг ижтимоий тармоқлардаги саҳифасида маълум қилган. У Ван И билан Нью-Йоркда, БМТ Бош ассамблеяси доирасида учрашган.
“Мен Хитойни Украинадаги можаронинг тугалланиши учун Россияга таъсир ўтказишга чақирдим”, – деган Столтенберг.
Томонлар, шунингдек, Тайвань масаласини ҳам муҳокама қилган. Альянс етакчиси НАТОнинг глобал хавфсизлик бўйича мулоқотни давом эттиришга тайёрлигини билдирган.
Аввалроқ Столтенберг Украина можаросининг қачон тугаши номаълумлигини айтганди.