Зоҳид жонлантириш бўлимида. Сунъий нафас аппаратига уланган — ССВ

ЖАМИЯТ 30.09.2022, 10:31
Зоҳид жонлантириш бўлимида. Сунъий нафас аппаратига уланган — ССВ

Аввалроқ кеча пойтахтнинг Юнусобод туманида жойлашган “Mega Planet” савдо маркази яқинида соат тахминан 23:00 атрофида "Уммон" гуруҳи хонандаси “BMW” русумли автомашинасида катта тезликда бошқарувни йўқотиб, автоҳалокатга учрагани ҳақида хабар қилган эдик. 

Тошкент шаҳар ИИББнинг ушбу ҳодиса юзасидан берган маълумотига кўра, транспорт воситаси бошқарувчиси —  1990 йилда туғилган З.Р. ҳамда йўловчилар — 1996 йилда туғилган Ж.Й. ва 1995 йилда туғилган Ж.И. шифохонага ётқизилган. 1994 йилда туғилган Х.С. эса воқеа жойида вафот этган.

Ушбу ҳолат ҳамда ҳозирда шифохонада даволанаётган беморларнинг ҳолати юзасидан ССВ матбуот хизмати расмий маълумот берди. Қайд этилишича, Юнусободдаги автоҳалокатда жароҳат олган икки бемор жонлантириш бўлимида, яна бири уйда даволанмоқда.

Жумладан, пойтахтдаги даволаш муассасасига олиб келинган автомашина бошқарувчиси З.Р.га “Бош мия очиқ жароҳати. Бош мия лат ейиши. Бош тепа соҳасининг эзилиб йиртилган жароҳати. Чап елка соҳаси юмшоқ тўқималари лат ейиши. Кома 1-2 даража” ташхиси қўйилган. 

Тиббиёт ходимлари томонидан бемор бошидаги жароҳатга бирламчи жарроҳлик ишлови берилган. Оғриқсизлантирилиб, ИВЛ аппартига уланган. Бош қисми МСКТ, ички аъзолари эса УТТ каби барза зарурий текширувлардан ўтказилган. 

Айни пайтда З. Р. жонлантириш бўлимида.  Сунъий нафас олиш аппаратига уланган. Унга барча тегишли тиббий муолажалар кўрсатилмоқда.

Шунингдек, “Бош мия очиқ жароҳати. Бош мия лат ейиши. Бош тепа соҳасининг эзилиб йиртилган жароҳати. Кўкрак қафаси лат ейиши” диагнози қўйилган йўловчи Ж.Й. ҳам жонлантириш бўлимида зарур даво муолажаларини олмоқда. Унинг аҳволи ўрта оғир. Хушида. 

Бемор Ж.И да эса “Бош мия ёпиқ жароҳати. Бош мия чайқалиши. Чап томон юқори қовоқ, ўнг томон жағ ости ва бўйин соҳалари эзилиб йиртилган жароҳатлари” аниқланган. Унга тегишли тиббий ёрдам кўрсатилиб, зарур муолажалар ўтказилгач, аҳволи қониқарли бўлгани  учун амбулатор шароитда даволаниши учун уйига жавоб берилди.

Соғлиқни сақлаш вазирлиги айни пайтда беморлар саломатлигини ўз назоратига олган. Муолажа жараёнлари учун етакчи тиббиёт мутахассислари жалб қилинган, дейилади хабарда.

Шарҳлар

Об-ҳаво: Тошкент
+3.97° tumanli
Валюта курси
11246.11
USD 15.72
11688.08
EUR -12.86
185.84
RUB -0.2
1