Туркия Россиянинг Украина ҳудудларини қўшиб олганини тан олмайди

ДУНЁ 01.10.2022, 12:16
Туркия Россиянинг Украина ҳудудларини қўшиб олганини тан олмайди

Туркия Россия томонидан вақтинча босиб олинган Украина ҳудудларини аннекция қилишини тан олмайди. Расмийлар Украина суверенитетини қўллаб-қувватлайди. Бу ҳақда Туркия ташқи ишлар вазирлиги баёнотига асосланиб, “РБК-Украина” хабар бермоқда.

Ташқи ишлар вазирлиги Туркиянинг 2014 йилда ўтказилган ноқонуний “референдум” ва Қримнинг аннекция қилинишини тан олмаганини эслатиб, Украинани қўллаб-қувватлашини ҳам таъкидлади.

“Биз 2014 йилда олган бу позициямизга мувофиқ, биз Россиянинг Украинанинг Донецк, Луганск, Херсон ва Запороже вилоятларини аннекция қилиш ҳақидаги қарорини рад этамиз”, — дейилади баёнотда.

Туркия Россиянинг қарорини қабул қила олмаслигини, бу халқаро ҳуқуқнинг белгиланган тамойилларини қўпол равишда бузиш эканлигини қайд этди. Шу билан бирга, Ташқи ишлар вазирлиги Украинадаги урушни тугатиш бўйича тинчлик музокараларини қўллаб-қувватлашини билдирди.

Эслатиб ўтамиз, кеча Путин босиб олинган Луганск, Донецк, Запороже ва Херсон вилоятлари ҳудудлари аннекция қилинганини эълон қилган эди.

АҚШ, Буюк Британия ва Канада аллақачон Россиянинг ноқонуний қарорига муносабат билдирган ва қўшимча санкциялар жорий қилган.

 

Шарҳлар

Об-ҳаво: Тошкент
Валюта курси
1