Россияда қисман сафарбарлик эълон қилинганидан кейин 700 мингга яқин одам мамлакатни тарк этди. Улардан 200 минг нафари Қозоғистонга жўнаб кетган. Бу ҳақда хорижий ОАВлар хабар бермоқда.
"Сафарбарлик бошланганидан бери деярли 1 миллион одам Россияни тарк этди",- дейди Кремлнинг ҳисоб-китобларидан хабардор манба. Ҳукуматга яқин яна бошқа шахсларнинг аниқлик киритишича, гап 600-700 минг россиялик ҳақида кетмоқда.
Бироқ Россия Федерацияси Федерал хавфсизлик хизмати чегара хизматидан бу борада ҳали бирор аниқ жавоб олинмаган.