Қозоғистон ва Ўзбекистон чегарасидаги Казиғурт назорат-ўтказиш пункти бир кунга ёпилди. Бу ҳақда Тошкент вилояти божхона бошқармаси хабар қилди.
“2022 йил 6 октябрь соат 09:00 дан 7 октябрь соат 09:00 гача “Қозиғурт” (Қозоғистон) ва унга туташ Тошкент вилояти Қибрай туманида жойлашган “С.Нажимов” (Ўзбекистон) ўтказиш пункти фуқаролар ва автотранспорт воситаларининг ўтиши учун ёпилади”, - дейилади хабарида.
Маълум қилинишича, ўтказиш пункти “Ўзтрансгаз” акциядорлик жамияти томонидан ҳар икки давлатнинг назорат-ўтказиш пунктлари ўртасидан ўтувчи газ қувурларини гидравлик синовдан ўтказиш муносабати билан ёпилади.
