8 октябрь куни бир неча минг киши Праганинг Вацлав майдонига энергия ва озиқ-овқат нархларининг ошишига қарши намойишга чиқди.
Улар ойига 644 еврони ташкил этувчи энг кам иш ҳақини оширишни, шунингдек, кундалик уй-рўзғор буюмларининг нархларини давлат томонидан тартибга солинишини талаб қилишди, дея хабар берди Zamon.uz' сайти.
Мамлакат Миллий статистика бошқармаси маълумотларига кўра, август ойида Чехияда нархларнинг ўсиши йиллик кўрсаткичда 17,2 фоизни ташкил этган.
Эслатиб ўтамиз, фавқулодда чора сифатида Бош вазир Петр Фиала бошчилигидаги ўнг марказчи ҳукумат ноябрь ойининг бошидан бошлаб уй хўжаликлари ва кичик бизнес учун электр ҳамда газ нархларига чекловлар киритган.
