Москва дўконларида сотувга янги ҳудудлар киритилган Россия хариталари пайдо бўлди.
Хариталар Давлат рўйхатидан ўтказиш, кадастр ва картография федерал хизмати (Росреестр) маълумотлари асосида тузилган. Биринчи хаританинг нашри суратлари 12 октябрь, чоршанба куни рус журналистлари томонидан эълон қилинган.
2,2 дан 1,4 метргача бўлган харита нархи 4850 рубльни ташкил қилади. Картография марказининг маълум қилишича, улар якка тартибда, шу жумладан кичик нусхаларда ҳам чоп этилади.
Эслатиб ўтамиз, Россия Федерациясининг тўртта янги ҳудуди билан янгиланган хариталари биринчи марта ижтимоий тармоқларда 30 сентябрь куни Москвада ДХР, ЛХР, Запорожье ва Херсон вилоятларининг Россия Федерацияси таркибига қўшилиши тўғрисидаги ҳужжатлар имзолангандан сўнг дарҳол пайдо бўлганди.
