Чехия 25 октябрдан бошлаб Россия фуқароларининг Европа Иттифоқининг исталган давлатидан берилган туристик Шенген визалар орқали мамлакатга киришини тақиқлайди.
"Биз (ҳукумат) туризм, маданият ва спорт мақсадларида қисқа муддатга Шенген визасини олган Россия фуқароларига нисбатан чекловлар жорий этяпмиз. Уларнинг Чехияга кириши тақиқланади. Бу аввало Прага аэропорти орқали келувчи Россия фуқароларига тааллуқли. Россия режими фуқаролик объектларини ўққа тутаётган бир вақтда биз бунга кўз юма олмаймиз", — дейди Липавски.
Чехия ички ишлар вазири Вит Ракушан ҳукуматнинг барча аъзолари мазкур қарорни қўллаб-қувватлаганини билдирган. "Ушу чора Чехиянинг аниқ позициясини ифодалайди", — дея таъкидлаган у.
