Ижтимоий тармоқларда Тошкент вилояти Юқори Чирчиқ туманидаги белгиланмаган жойга икки тоннага яқин ўлган товуқлар ташлаб кетилгани акс этган видео тарқалди.
Бу ҳақда хабар жойлаштирилган "Nova24"га кўра, номаълум шахслар ўлик товуқлар солинган бир неча ўнлаб қопларни белгиланмаган жойга ташлаб кетган. Оқибатда улардан чиқаётган чидаб бўлмас бадбўй ҳид маҳаллий аҳолининг эътирозларига сабаб бўлган.
Қайд этилишича, туманда бир қанча паррандачилик корхоналари мавжуд. Аммо, товуқлар нима сабабдан нобуд бўлгани, ким томонидан ташлаб кетилгани номаълум.
