Боку «Катта Дубулға» турниридан сўнг Халқаро дзюдо федерацияси спортчиларнинг янгиланган рейтингини эълон қилди.
Аҳамиятлиси, мусобақадаги ғалабаси эвазига терма жамоамиз аъзоси Диёра Келдиёрова -52 кг вазн тоифаси пешқадамига айланди.
Қайд этиш жоиз, шу пайтгача ҳеч бир дзюдочи қизимиз дунё рейтингида 1-ўринга кўтарилмаган эди. Шу тариқа, жаҳон тасниф жадвалини бошқариб бораётган ҳамюртларимиз сони икки нафарга етди. Гарчи, Бокудаги мусобақани ўтказиб юборган бўлсада, Давлат Бобонов ҳам карвонбошилигини сақлаб қолди.