Аммандаги Осиё чемпионатида чорак финаллар якунланди.
Ярим финалга Ўзбекистон терма жамоасидан 13 нафар боксчи етиб келди. Терма жамоамиз 23 нафар боксчи билан мусобақага йўл олганди. Энг кўп иштирокчи - Қозоғистондан. Қўшниларимизнинг 21 нафар боксчиси медални нақд қилган. Улар мусобақага тўлиқ таркибда - 25 нафар боксчи билан боришганди. Ҳиндистон терма жамоаси эса 12 та ярим финалга эга.
Умумий ҳисобда: (25 та вазндан)
Қозоғистон - 21
Ўзбекистон - 13
Ҳиндистон - 12
Мўғулистон - 10
Япония, Иордания - 7
Жанубий Корея - 6
Таиланд - 5
Хитой Тайпейи, Қирғизистон - 4
Филиппин - 3
Эрон, Тожикистон, Вьетнам - 2
Покистон - 1
Эркаклар ўртасида (13 та вазнда) ҳам мос равишда энг кўп ярим финалчи Қозоғистондан - 12 та. Ўзбекистондан эса 10 нафар боксчи ярим финалга йўл олди. Ҳиндистон, Иордания ва Мўғулистон 5 тадан ярим финалчига эга.
Эркаклар:
Қозоғистон - 12
Ўзбекистон - 10
Ҳиндистон, Иордания, Мўғулистон - 5
Қирғизистон - 4
Эрон, Япония, Тожикистон, Таиланд - 2
Хитой Тайпейи, Покистон, Филиппин - 1
Аёллар (12 та вазнда) ўртасида ҳам Қозоғистон етакчи - ярим финалда 9 нафар иштирокчи. Ҳиндистонда 7 нафар, Жанубий Кореяда эса 6 та ярим финалчи бор. Ўзбекистон терма жамоасининг 3 нафар аъзоси финал йўлланмаси учун курашади. Ўзбекистон аёллар терма жамоаси мусобақага 10 нафар боксчи билан йўл олганди.
Аёллар:
Қозоғистон - 9
Ҳиндистон - 7
Жанубий Корея - 6
Япония, Мўғалистон - 5
Хитой Тайпейи, Таиланд, Ўзбекистон - 3
Иордания, Филиппин, Вьетнам - 2.
Бугун мусобақада дам олиш куни. Ярим финал баҳсларига эртадан старт берилади.