Аргентина терма жамоаси ҳамда “Барселона” клуби ҳужумчиси Лионель Месси сочларини малла рангга бўягани сабабини маълум қилди, деб хабар бермода Daily Mail.
Мессининг айтишича,имижнинг жиддий ўзгартирилиши Америка Кубоки–2016 финалида Чилига мағлуб бўлгани билан узвий боғлиқ.
– Америка Кубоги–2016 турниридаги мағлубиятдан сўнг қийин кунлар келди. Сочимни малла рангга бўяб, барчасини оқ варақдан, яъни, бошидан бошлаш зарурлигини тушундим. Футболдан ташқари қолганимда нимадир қилишим керак эди, – деди Лионель Месси.
Эслатиб ўтамиз, Америка Кубоги–2016 финалида Аргентина терма жамоаси Чилига пенальтилар сериясида имкониятни бой берганди. Июль ойи охирида эса Месси сочини малла рангга бўяганди.
