Терроризмни молиялаштирган шахс 10 йил муддатга озодликдан маҳрум этилди. Бу ҳақда "darakchi.uz"га ДХХ матбуот хизмати хабар қилди.
Маълум қилинишича, 1993 йилда Тошкент шаҳрида туғилган фуқаро 2014 йилда ўқиш визаси билан Корея Республикасига боради ва кейинчалик турли заводларда ишлайди. 2018 йилнинг ўрталарида эса интернет тармоғи орқали халқаро террористик ташкилотлар ва диний экстремистик оқимлар ғоявий раҳнамоларининг “ҳижрат”, “жиҳод”, “шаҳидлик” тўғрисидаги аудио-видео маърузаларини тинглаб, уларга хайриҳоҳлик билдиради ҳамда ақидапарастлик мазмунидаги материалларни атрофдагиларга тарқата бошлайди. 2020 йилда у Ўзбекистонга қайтганидан кейин ҳам ноқонуний ҳаракатларини давом эттиради.
Ҳатто “Тавҳид ва жиҳод катибаси” террористик ташкилоти аъзоларининг виртуал даъватлари таъсирида, яқинларидан яширинча Сурияга кетмоқчи бўлади. Лекин, мақсади амалга ошмагач, жангариларни молиявий қўллаб-қувватлашни режа қилади.
Шу тариқа у 2021-2022 йиллар давомида ўзи ва бошқа маслакдошларининг жами 24 млн. 222 минг сўм миқдоридаги маблағларини "молиявий жиҳод" сифатида халқаро пул ўтказмалари ва электрон иловалар орқали Суриядаги жангариларга юборади. Давлат хавфсизлик хизмати ва Ички ишлар вазирлиги ходимлари томонидан олиб борилган тезкор-қидирув тадбирлари натижасида мазкур шахснинг ноқонуний ҳаракатларига чек қўйилди.
Жиноят ишлари бўйича Сергели туман суди томонидан унинг қилмишларига ҳуқуқий баҳо берилди. У Жиноят Кодексининг 2441, 2442 ва 1553-моддаларида назарда тутилган жиноятларни содир этганликда айбли деб топилиб, 10 йил 1 ой муддатга озодликдан маҳрум қилинди.
17.11.2023, 09:49
3 йилдан бери “Баркамол авлод” болалар мактабининг робототехника тўгарагига қатнайдиган Озодбек Ҳошимов одамларни ис газидан сақлаб қоладиган ихтиро яратди. Бу ҳақда Мактабгача ва мактаб таълими...
16.11.2023, 12:40
Аввалроқ, Тошкент вилоятидаги тўйда вертолётдан фойдалангани акс этган видео тармоқларда тарқалган эди. Тошкент вилояти ИИББ Йўл ҳаракати хавфсизлиги бошқармаси мазур ҳолат бўйича маълумот тақдим этди. Маълум қилинишича, ИИББ...
10.11.2023, 12:45
Пойтахт марказида қурилган янги кўп қаватли уй ҳали эгаларига топширилмасданоқ куни кеча ёғиб ўтган ёмғирдан сўнг даҳшатли манзара касб этиб қолди. 11 қаватли уйнинг зиналари...
04.11.2023, 12:37
Фарғонада янги туғилган чақалоқ ташлаб кетилди. "Замон" дастурида мазкур ҳодиса бўйича тафсилотлар маълум қилинди.Маълум бўлишича, Фарғона тумани Юқори арча МФЙ ҳудудидаги катта далага янги туғилган,...
