Аввал хабар берганимиздек, "Ўзгидромет" куннинг биринчи ярмида Тошкент, Жиззах, Сирдарё вилоятларида ёмғир ёғишини башорат қилган эди.
Айни дамда Тошкент шаҳрида "прогноз" қилинган ёғингарчилик юз бермоқда.
Бунинг натижасида қатор ҳудудларни сув босди. Бу ҳақда Тошкент шаҳар ФВБ матбуот котиби Darakchi.uz'га маълум қилди.
Хабар берилишича, айни дамда юзага келган сув тиқинларини бартараф этиш ишлари олиб борилмоқда.
Маълумот учун, юқоридаги кадрлар Шайхонтоҳур тумани Генерал Узоқов кўчаси, Гулзор МФЙ ҳудудида олинган. Пойтахт аҳолисидан келиб тушган маълумотларга кўра, бошқа қатор кўчалар ҳам юқоридаги каби аҳволда.
