Саудия Арабистони қироли терма жамоанинг ғалабаси муносабати билан эртага бутун мамлакатда дам олиш куни деб эълон қилди

СПОРТ 22.11.2022, 21:50
Саудия Арабистони қироли терма жамоанинг ғалабаси муносабати билан эртага бутун мамлакатда дам олиш куни деб эълон қилди

Аввал хабар берганимиздек, Қатарда старт олган футбол бўйича Жаҳон чемпионати кутилмаган воқеаларга бой ўтмоқда.

Хусусан, C гуруҳидан жой олган Аргентина — Саудия Арабистони баҳси кутилмаган ҳисоб билан якунланди — 1:2.

Саудия Арабистони қироли терма жамоанинг ғалабаси муносабати билан эртага, 23 ноябрь кунини бутун мамлакатда дам олиш куни деб эълон қилди.

"Эртага, чоршанба куни давлат ва хусусий сектор ходимлари ҳамда таълимнинг барча босқичларида таҳсил олаётган талабалар учун дам олиш куни бўлиши кўрсатиб ўтилди”, — дейилади Саудия ахборот агентлигининг "Twitter"даги саҳифасида. 

Бироқ шу ўринда бироз нохуш хабар, Саудия жамоаси аъзоси Ёсир Ал Шаҳрони тўқнашув натижасида жағ суяклари ва тишлари сингани маълум бўлди. Хабарларга кўра, у тез орада операция қилинади.  

"У турнирда бошқа ўйнай олмаса керак", — дея бу ҳақда ёзмоқда футбол шарҳловчиси Даврон Файзиев.

Эслатиб ўтамиз, Саудия Арабистони 2-тур доирасида 26 ноябрь куни соат 18:00 да Польша терма жамоасининг "синовидан ўтади" (ёки Полшани синовдан ўтказади — буниси ҳозирча номаълум). Аргентина терма жамоаси эса навбатдаги турда мексикаликлар билан тўқнаш келади (27 ноябрь, 00:00). Ҳозирча C гуруҳида кутилмаган ҳолат — Саудия Арабистони биринчи ўринда турибди.

Шарҳлар

Об-ҳаво: Тошкент
Валюта курси
1