Қашқадарёда 3 кунлик фирма 2,6 млрд сўмлик тендерни ноқонуний ютгани аниқланди

ЖАМИЯТ 29.11.2022, 18:48
Теглар: Қашқадарё
Қашқадарёда 3 кунлик фирма 2,6 млрд сўмлик тендерни ноқонуний ютгани аниқланди

Ижтимоий тармоқларда “Қашқадарёда 3 кунлик фирма жами 2.601.000.000 сўмлик иссиқхоналар ўрнатишни ютиб олди” сарлавҳаси остида хабарлар тарқалди. Ҳолатга Монополияга қарши курашиш қўмитаси муносабат билдирди. 

Маълум қилинишича, Иқтисодий тараққиёт ва камбағалликни қисқартириш вазирлиги ҳузуридаги Маҳаллабай ишлаш ва тадбиркорликни ривожлантириш агентлиги Қашқадарё вилояти бошқармаси томонидан etender.uzex.uz махсус электрон порталидаги 12 та лот бўйича 12 та туманда жами 289 та 2601,0 млн. сўмлик енгил конструкцияли иссиқхоналар ўрнатиш бўйича ўтказилган танлов натижалари юзасидан ўрганиш ишлари олиб борилди.

Ўрганиш натижасида буюртмачи томонидан савдоларнинг қонунчиликда белгиланган тартибини бузиш ва савдоларнинг бир нечта иштирокчисига савдоларда қатнашиш учун имтиёзли шарт-шароитлар яратиб бериш орқали қонун бузилишларига йўл қўйилганлик аломатлари аниқланди.
Хусусан, “НХС СТРОЙБАДМEТАЛЛ” МЧЖва «ТУРНОВEРПРИСE» МЧЖ томонидан керакли хужжатлар (иссиқхона қуриш бўйича иш тажрибаси, қурилишда ишлатиладиган материаллар рўйхати) тақдим қилинмаган бўлсада уларга асоссиз юқори баллар берилганлиги маълум бўлди.
Бундан ташқари, буюртмачи томонидан ўтказилган танловларда харид комиссияси аъзоларининг камида учдан икки қисми ҳозир бўлмаган ҳолда қонунчиликка зид равишда қарор қабул қилинган.

Юқоридагиларга асосан, Монополияга қарши курашиш қўмитаси Қашқадарё вилояти ҳудудий бошқармаси томонидан 2022 йил 10 ноябрда иш қўзғатилиб, Ўзбекистон Республикасининг “Давлат харидлари тўғрисида”ги ва “Рақобат тўғрисида”ги Қонун талаблари бузилган деб топилди ва танлов савдоларининг қарорларини бекор қилиш ва қонунчиликда белгиланган тартибда қайта танлов ўтказиш бўйича кўрсатма берилган эди. Бугунги кунда қарорлар бекор қилинди ва қайта танлов ўтказилади. Шу билан биргаликда, қонунбузилиш ҳолатларига йўл қўйган мансабдор шахсларга нисбатан маъмурий жавобгарлик чоралари кўрилаётганлиги маълум қилинади.

Шарҳлар

Қашқадарёда кадастр ходимлари 10 ой ичида 1600 дан зиёд ер қонунбузилиш ҳолатларини аниқлашди

14.11.2022, 09:45

Кадастр агентлигининг Қашқадарё вилояти бошқармаси ва унинг туман, шаҳар бўлимлари томонидан ўтган 10 ой вақт давомида 1 656 та ҳолатда 1 647,1 гектар ер майдони...
Қашқадарё вилояти ҳокимининг икки нафар ўринбосари лавозимидан озод этилди, яна бир ўринбосар ва туман ҳокимига ҳайфсан берилди

17.10.2022, 10:45

Қашқадарё вилояти ҳокими Муроджон Азимовнинг икки нафар ўринбосари лавозимидан озод этилди. Бу ҳақда вилоят ҳокимлиги матбуот котиби хабар қилди. Маълум қилинишича, ҳокимлик соатида бир нечта раҳбар...
Қашқадарёда 2 йигит қалбаки 13.400 АҚШ долларига “Cobalt” сотиб олди

11.10.2022, 12:18

Қашқадарё вилоятида фуқаролар томонидан қалбаки пул муомалага киритлгани аниқланди. Бу ҳақда "darakchi.uz"га Бош прокуратура матбуот хизмати хабар қилди. Маълум қилинишича, 2022 йил 7 октябрь куни Шаҳрисабз...
Қашқадарёда қиймати 40 млн. сўмга тенг бўлган тамаки маҳсулотининг ноқонуний савдосига чек қўйилди (видео)

14.09.2022, 12:15

Қашқадарё вилояти ҳуқуқни муҳофаза қилиш органлари контрабанда сигаретлари савдосига чек қўйдилар. Тезкор тадбир давомида вилоятдаги савдо марказларидан бирига олиб киришга уриниш чоғида жами 18 млн...
Об-ҳаво: Тошкент
+4.97° app.небольшой дождь
Валюта курси
11269.82
USD -31.77
12205.22
EUR -115.77
159.78
RUB -2.8
1