Ижтимоий тармоқларда "Фарғонада саноат корхоналаридан газ узиб қўйилиши натижасида 10 минглаб аҳоли ишсиз қолмоқда, улар газ улаб берилишини сўраб, кўчага чиқишмоқда” сарлавҳаси остида мурожаатлар тарқалди.
"O'zqurilishmateriallari" уюшмасининг маълум қилишича, заводнинг газдан узилишига Ўзбекистон бўйлаб об-ҳавонинг кескин пасайиши сабаб бўлган.
Таъкидланишича, бундай ҳолатда аҳолининг табиий газга бўлган талабини қондириш мақсадида, биринчи навбатда ижтимоий соҳа объектлари, жумладан мактаблар, мактабгача таълим муассасалари, тиббиёт муассасаларини табиий газ билан таъминланади. Шу сабаб саноат корхоналари жумладан, цемент заводлари ҳам вақтинча таъминотдан узилади.
