Португалия сафида жаҳон чемпионатида ғалаба қозониш фаолиятимдаги энг катта орзу эди – Криштиану Роналду

СПОРТ 11.12.2022, 20:48
Португалия сафида жаҳон чемпионатида ғалаба қозониш фаолиятимдаги энг катта орзу эди – Криштиану Роналду

Криштиану Роналду Португалия миллий жамоаси ЖЧ-2022 чоракфиналида Марокашга (0:1) ютқазиб, турнирни тарк этгач ўз фикрларини билдирди. Футболчи бу ҳақда ўзининг "Instagram" саҳифасида ёзган. 

"Португалия сафида жаҳон чемпионатида ғалаба қозониш фаолиятимдаги энг катта орзу эди. Яхшиямки, кўплаб халқаро совринларни қўлга киритдим, жумладан Португалия билан ҳам (Евро-2016да чемпионлик). Лекин юртимиз номини жаҳон даражасига олиб чиқиш энг катта орзуйим эди.  

Орзу йўлида қаттиқ курашдим. 16 йил ичида 5та жаҳон чемпионатида қатнашдим, буюк футболчилар билан бирга ва миллионлаб португалияликларнинг қўллаб-қувватлаши билан ўйнадим. Боримни бердим. Ҳеч қачон орзумдан воз кечмадим.  

Афсуски, кеча орзулар чилпарчин бўлди. Ортиқча муносабатдан фойда йўқ. Шунчаки ҳамма билишини истайман: кўп айтилди, кўп ёзилди, кўп тахминлар айтилди, лекин менинг Португалияга бўлган садоқатим бир лаҳзага ҳам ўзгармади.

Ҳамиша умумий мақсадлар учун курашганлардан бириман. Ҳеч қачон жамоадошларимдан, ватанимдан юз ўгирмайман. Айтадиган бошқа гапим йўқ.  

Раҳмат, Португалия. Раҳмат, Қатар. Туш давом этаётганда, гўзал эди ... Вақт — яхши маслаҳатчи. Унгача кутинг. Ҳар ким ўз хулосасини чиқаришига имкон бўлади",– деган Криштиану Роналду.

Шарҳлар

Об-ҳаво: Тошкент
Валюта курси
1