Коррупцияга қарши курашиш агентлиги томонидан Сирдарё вилоятида ўтказилган ўрганишда оилавий тадбиркорлик дастурлари доирасида ажратилган имтиёзли кредитларнинг мақсадсиз ишлатилаётганлиги, таъминотчи корхоналар томонидан фуқароларга етказиб берилиши мумкин бўлган товарларни харид қилмаганлиги ҳолатлари аниқланди. Бу ҳақда агентлик матбуот хизмати хабар бермоқда.
Маълум қилинишича, Боёвут тумани ҳокими ёрдамчиси Т.Ж.нинг таъсисчилигида 3 та тадбиркорлик субъекти ташкил этилган бўлиб, шундан “B.L.B.” МЧЖга 12 ҳолатда фуқароларнинг 371,5 млн.сўм кредит маблағлари ўтказиб берилган ва ушбу маблағлар мақсадсиз йўналтирилган.
Ўрганиш натижалари бўйича тўпланган ҳужжатлар қонуний қарор қабул қилиш учун Бош прокуратурага юборилди ва прокуратура томонидан мазкур ҳолат бўйича терговга қадар текширув ўтказилди.
Унга кўра, Боёвут тумани ҳоким ёрдамчиси Т.Ж.га ва бошқаларга нисбатан 03.11.2022 йилда ЖКнинг 167-моддаси 2-қисми “в”, “г” бандлари ва 209-моддаси 1-қисми билан жиноят иши қўзғатилиб, ҳозирги кунда тергов харакатлари олиб борилмоқда.
06.12.2021, 11:18
“Маҳаллада тадбиркорликни ривожлантириш, аҳоли бандлигини таъминлаш ва камбағалликни қисқартириш бўйича давлат сиёсатининг устувор йўналишлари тўғрисида”ги Президент фармони (ПФ–29-сон, 03.12.2021 й.) қабул қилинди.Фармонга кўра, 2022 йил...
