АҚШ киноакадемияси "Оскар" мукофотига даъвогарлар рўйхатини эълон қилди.
“Тўлиқметражли ҳужжатли фильмлар” тоифасига 15 та иш саралаб олинди, улар орасида канадалик режиссёр Дэниэл Роэрнинг "Навальный" ҳужжатли фильми, Саймон Леренг Уилмонтнинг Украина шарқидаги етимхона ҳақидаги "Чўпдан ясалган уй" картинаси ҳамда Лора Пойтраснинг Венеция кинофестевали лауреати бўлган "Барча гўзаллик ва қон тўкиш" картиналари ҳам бор. Ушбу тоифадаги мукофотга шунингдек, америкалик, ҳиндистонлик ва хитойлик режиссёрларнинг ишлари ҳам кўрсатилган.
"Хорижий бадиий фильмлар” тоифасидаги мукофотга Аргентина, Австрия, Бельгия, Камбожа, Дания, Франция, Германия, Ҳиндистон, Ирландия, Мексика, Марокаш, Покистон, Польша, Швеция ва Жанубий Корея режиссёрларининг ҳам ишлари кўрсатилган. Мукофотга даъвогар 15 та картина танлаб олиниши учун 92 та мамлакатдан ариза тушган.
