Жаҳон соғлиқни сақлаш ташкилоти Ҳиндистоннинг Maiden Pharmaceuticals фармацевтика компанияси томонидан ишлаб чиқарилган тўрт турдаги йўталга қарши сиропидан фойдаланмасликка чақирди.
Хабарда айтилишича, ушбу дори воситалари Африканинг Гамбия давлатида 66 нафар боланинг ўлимига сабаб бўлган бўлиши мумкин.
"Биз болаларда йўтални даволаш учун дорилар ҳақида гапирамиз – Прометазиннинг оғиз эритмаси (Прометазин Орал эритмаси), шунингдек, Кофехмалин, Макофф Бабй ва Магрип Н сироплари. Бу дориларнинг барчаси битта компания томонидан ишлаб чиқарилади – Maiden Pharmaceuticals, рўйхатга олинган давлати Ҳиндистон.
“Тўртта дори воситасининг ҳар биридан олинган намуналарнинг лаборатория таҳлиллари шуни кўрсатдики, улар таркибида ифлослантирувчи моддалар бўлган диетилен гликол ва этилен гликол қабул қилиб бўлмайдиган миқдорда бўлган. Бугунги кунга қадар ишлаб чиқарувчи ЖССТга ушбу маҳсулотларнинг хавфсизлиги ва сифати кафолатини бермаган”, — дейилади ЖССТ баёнотида.
Маълумот учун, аввалроқ Ўзбекистонда 15 боланинг ўлимига сабаб бўлган, бунинг ортидан юртимизда ва қўшни Қирғизистонда сотуви тақиқланган “Dok-1 Maks” дориси ҳам айнан Ҳиндистон фармкомпаниясида ишлаб чиқарилган.
