Туркия Буюк Миллат Мажлиси (парламенти) спикери Мустафо Шентоп, Украинадаги инқирозни ҳал қилиш борасидаги саъй-ҳаракатлари учун Президент Таййип Эрдўғонни Нобел Тинчлик мукофотига номзод қилиб кўрсатганини айтди.
"Россия ва Украина ўртасида тинчлик ўрнатиш йўлидаги саъй-ҳаракатлари учун Президент Эрдўғонни Нобел Тинчлик мукофотига номзод қилиб кўрсатдим. Менинг аризам бор. Бошқа ўлкалардан аризалар топширилади", – дейди Мустафо Шентоп.
Маълумот учун, Туркия президенти Украина-Россия ўртасидаги урушга барҳам бериш учун ўртада воситачи ролини ўйнаб келмоқда. Бундан ташқари, Туркия лидери Украина портларида қолиб кетган 20 миллион тонна дон маҳсулотларини олиб чиқишда жонбозлик кўрсатган эди.
