АҚШ Конгресси аъзоси Мэтт Гетц собиқ президент Дональд Трампни Вакиллар палатаси спикери этиб сайлашни таклиф қилди. Бу ҳақда zamon.uz хабар бермоқда.
“Мен Дональд Трамп номзодини Вакиллар палатаси спикери лавозимига илгари сураман”, – деган у.
Конгрессмен собиқ президент даврида ички ва ташқи сиёсатда катта муваффақиятларга эришилганини маълум қилган. Бу Гетцнинг Трамп номзодини биринчи марта илгари суриши эмас. Пайшанба куни спикер сайлаш жараёнида ҳам Оқ уйнинг собиқ раҳбарини лавозимга тайинлаш таклифи тилан чиққанди.
АҚШ конгрессменлари 10 сафардан буён ўзига спикер танлай олмаяпти. Сўнгги бор бундай ҳолат 1859 йилда кузатилган эди.
