Саудиялик бизнесмен Роналду-Месси тўқнашувини кўриш учун қарийб 2,6 млн. долларга ВИП-чипта сотиб олди

СПОРТ 18.01.2023, 19:15
Саудиялик бизнесмен Роналду-Месси тўқнашувини кўриш учун қарийб 2,6 млн. долларга ВИП-чипта сотиб олди

Эртага, 19 январь куни Саудия Арабистони пойтахти Ар-Риёд шаҳрида Франсиянинг ПСЖ клуби Роналду бошчилигидаги “Ал-Насср” ҳамда “Ал-Ҳилол” жамоалари юлдузларига қарши ўйин ўтказади.

Бутун дунё мухлисларининг қизиқишига сабаб бўлаётган ушбу Месси-Роналду тўқнашуви учун чипталар ва трансляциялар сотуви бир неча кун аввал аллақачон бошланиб бўлган. “Ал Жазеера” нашрининг хабар беришича, саудиялик маҳаллий бизнесмен Мушраф ал-Ғамдий ушбу учрашувга ташриф буюриш учун қарийб 2,6 млн долларга ВИП-чипта сотиб олган.
У ушбу чиптани хайрия ауционида ғолиб чиқиб, қўлга киритган. Дастлаб, 1 миллион Саудия риали (тахминан 260 минг доллар) билан бошланган ауцион Ал-Ғамдий томонидан 10 миллион риал (2,6 млн доллар) пул эвазига тугатилган.

Бизнесмен энди бу чипта орқали ўйинни томоша қилишдан ташқари жамоаларнинг кийиниш хоналарига кириб, футболчилар билан суратга тушиши мумкин бўлади.  Таъкидланишича, кимошди савдосидан тушган барча маблағ хайрия ишларига йўналтирилади.

Эслатиб ўтамиз, Лионел Месси ва Криштиану Роналду 2020 йилнинг декабрь ойида сўнгги бор ўзаро ўйин ўтказган. Ўшанда “Ювентус” Чемпионлар лигаси гуруҳ босқичи баҳсида “Барселона”ни мағлуб этган (3:0), Роналду эса дубл қайд этган эди.

Шарҳлар

Об-ҳаво: Тошкент
Валюта курси
1