Бугун Қозоғистоннинг Тараз шаҳридаги "Оқсой" бозорида йирик ёнғин содир бўлди. Бу ҳақда Қозоғистон Республикаси Фавқулодда вазиятлар вазирлиги матбуот хизмати маълум қилди.
"20 январь куни соат 13:22 да Жамбил вилояти Фавқулодда вазиятлар бошқармаси ёнғин хавфсизлиги бўлинмаларига Оқсой бозори, алоҳида икки қаватли уйнинг томи ёниб кетгани ҳақида хабар келиб тушди", — дейилади хабарда.
Бинода истеъмол товарлари, кийим-кечак, ўйинчоқлар сотиладиган чакана савдо дўконлари жойлашган бўлиб, иккинчи қаватда мато ва пардалар сотиш бўлимлари жойлашган.
