Аввал хабар қилганимиздек, Ўзбекистон Президенти Шавкат Мирзиёев 26‒27 январь кунлари икки кунлик давлат ташрифи билан Қирғизистонга боради.
Маълум қилинишича, Президент Бишкек шаҳрига етиб келиш билан иккита қисқа фольклор-мусиқий номер намойиши кўзда тутилмоқда.
Расмий тадбирларни ўтказиш 27 январга мўлжалланган. Шу куннинг ўзида расмий учрашув ва биргаликда суратга тушиш маросими бўлиб ўтади.
Ундан сўнг тор доирадаги ва кенгайтирилган таркибдаги музокаралар бўлиб ўтади.
Ўтказилган учрашувлар натижалари бўйича икки томонлама ҳужжат алмашиш ва ОАВ вакиллари учун баёнот бўлиб ўтади.
