Қисқа муддатда Россия тажовузкор ҳаракатларга ўтади, бунинг натижасида у, албатта, кўплаб шахсий таркиби, кучлари ва воситаларини йўқотади. Бу ҳақда Украина президенти офиси маслаҳатчиси Михаил Подоляк ўз прогнозларида ёзмоқда.
Унга кўра, Украина томонидан ишлаб чиқилаётган ва муҳокама қилинган қарши ҳужум доирасида Россия тўртта муҳим мағлубиятга учрайди ва у шундан кейин рус армиясидаги парчаланиш ва якуний деморализация жараёнлари орқага қайтарилмас ҳолга келади.
Шунингдек, Михаил Подоляк руслар урушдан қочишда давом этишини, ҳалок бўлганларнинг яқинлари эса Россия ҳудуди бўйлаб норозилик намойишлар ўтказишларидан умидвор. У бу вақтга келиб Путин атрофидагилар орасида жиддий ички низолар авж олишини башорат қилмоқда.
Подоляк Украина Қуролли кучлари 1991-йилдаги Украина чегараларида тўхташини, Россияда эса федерациянинг айрим субектлари ажралиб чиқиши мумкинлигини қайд этган.
"Ядро қуроллари у ёки бу тарзда, хусусан, рус генераллигининг қолдиқлари томонидан назорат қилинади. Шунинг учун, унинг қора бозорда пайдо бўлиши ёки ҳеч бўлмаганда бир муддат назорасиз қолиши хавфи йўқ.
Россия Федерациясининг вақтинча тузилган ҳукумати Украинадаги жиноятлар ва чегарадаги демилитаризация зоналари учун жавобгарлик бўйича ҳақиқий музокараларни бошлайди", дейди у.
Зеленский офиси маслаҳатчиси ушбу сценарийнинг амалга ошиши Украинага ёрдам тариқасида бериладиган қуролларнинг аниқ сони ва қачон олинишига боғлиқ эканлигини таъкидлайди.
“Формула оддий: агар сиз урушни тезроқ тугатишни истасангиз, Украинага сўрагандан ҳам кўпроқ қурол-яроғлар беринг”, — деб хулоса қилди у.
