Сирдарёдаги хонадонда газ портлади

Сирдарё вилоят ФВБнинг берган хабарига кўра, жорий йилнинг 26 январь куни Гулистон шаҳар "Намуна" МФЙ Ал-Хоразмий кўчасидаги 62-хонадонда тахминан ҳаво-газ аралашмасининг чақнаши билан боғлиқ ҳодиса содир бўлган. 

Ҳодиса оқибатида ёнғин содир бўлмаган, хонадон ошхонасининг кириш эшиги ва деразаси қисман шикастланган ҳамда 1 нафар фуқаро тан жароҳати олиб шифохонага юборилган. 

Ҳозирда ушбу ҳодиса сабаби ва моддий зарар миқдори аниқланмоқда, дейилади хабарда.