Табиат ресурлари вазирлиги матбуот хизмати Ўзбекистонда қор қўйнида очилган илк бойчечаклар суратини олиб, одамларга баҳорий кайфият улашмоқда.
Вазирлик ходими Шерали Искандаровнинг хабар беришича, Нуробод туманининг Тепақул қишлоғида ҳали қор-музлар қисман эриган бўлса-да, бойчечаклар очилишни бошлаган.
Деҳқонобод тумани аҳолиси “darakchi.uz”га туманда бойчечак очилгани акс этган сурат юборди.
Кейинги кунларда юртимизда кузатилган қорли-қировли ва совуқ об-ҳаво қиш фаслига хос бўлган манзараларни намоён этди. Ҳаёт давом этганидек, табиатда ҳам ўзгаришу янгиланишлар, бинобарин, фасллар алмашинуви ҳам давом этаверади.
Бойчечакларнинг очилиши қишнинг ортга чекиниб, баҳор яқинлашаётганидан бир даракдир.